ዓለማዊ ባንክ ጽልዋታት ክሊማዊ ለውጢ ንምውጋድ ኣብ ዝተሓንጸጹ ኣህጒራዊ ስትራተጂታት እጃሙ ከበርክት ከም ዘለዎ ተሓቢሩ።
በዚ መሰረት፡ እቲ ባንክ ኣብ ነዳድን ከሰልን ኣተኲሩ ንዝገብሮ ወፍሪ በብቊሩብ ከቋርጾ፡ ድሕሪ ግዜ ከኣ ምስ ነዳድን ከሰልን ኣብ ዝተሓሓዙ ወፍርታት ጠቕሊሉ ክቚጠብ ላዕለዎት ሰበ ስልጣን ኤውሮጳዊ ሕብረት ጸዊዖም።
ብመሰረት ብረቡዕ 24 ለካቲት 2021 ካብ ሰበ ስልጣን ኤውሮጳዊ ሕብረት ናብቲ ባንክ ዝተሰደ ሽድሽተ ገጽ ዘለዎ ደብዳበ፡ በቲ ባንክ ኣብ ምንካይ ናብ ጠፈር ዝፍኖ መርዛማት ጋዛት ዝውሰዱ ዘለዉ ተበግሶታት ዝነኣድ ምዃኑ ድሕሪ ምሕባር፡ እቲ ዓለማዊ ባንክ ካብኡ ንላዕሊ ተርኡ ክጻወት ኣተሓሳሲቦም።
እቶም ሰበ ስልጣን ኣብ ሞዛምቢክ ምስ ዕደና ጋዝ ተታሓሒዙ ብዓለማዊ ባንክ ዝተኣተወ ወፍሪ ከም ኣብነት ብምጥቃስ፡ ካብ ተማሳሰልቲ ወፍርታት ብምቊጣብ፡ ኣብ ምንካይ ንጠፈር ዝትፍኡ ጋዛት ዘተኮረ ወፍርታት ከድህብ ወሳኒ ምዃኑ ይሕብሩ።
